Salamat sa Inyo

Sa pagtungtong ng aking mga paa sa paaralang ito

Takot at kaba ang naghari sa puso ko

Ano nga ba ang maaring mangyari sa pagpasok ko dito?

Mga guro nga kaya’y tatanggapin ako?

Pagharap sa mga mag-aaral kaya’y kakayanin ko?

Pagiging isang guro kaya ang talagang nais ng puso ko?

O dito matatagpuan ang sarili na sumusuko?

Yan ang ilang tanong na sa aking isip ay gumugulo

Bagong tao, bagong kapaligiran

Ito ang bagong pagsubok na di ko mapipigilan

Pagtuturo sa mga bata ay dapat nang paghandaan

Pakikitungo sa iba ay dapat matutunan

Di akalaing sa bagong mundong ito

Mararanasan ang mga bagay na hinangad ko

Makapagturo sa mga bata na pangarap ko

Sa paaralang ito, malayang nagawa ko

Sa apat na sulok nang silid na kinalalagyan ko

Dito nakilala mga gurong tinitingala ko

Kaalaman at karunungang kinakailangan ko

Di ipinagdamot na ituro sa isang tulad ko

Pasasalamat sa inyo ay di mailarawan

Pagkat mga itinuro nyo sa akin ay di kayang tumbasan

Kung hindi dahil sa inyo ay di ko malalaman

Ang mga bagay na sa pagtuturo ay dapat kong matutunan

Sa pagdaan ng mga araw sa silid na ito

Tunay na kaligayahan ang nadama ko

Pagmamahal sa pagtuturo ay mas naranasan ko

Lalo na at naandyan kayo

Salamat sa inyo mga hinahangaan kong guro

Mga araw na kasama kayo’y di mabubura sa aking puso

Mga pangaral at gabay ninyong itinuro

Sa aking isipan ay di maglalaho

Di namalayang ang oras ay agad na tumakbo

Palayo sa lugar na agad na minahal ko

Paglisan rito’y kailangan nang gawin

Dahil isang panibagong pagsubok na naman ang kailangang harapin

Ngunit paglisan rito’y may iiwan ako

Ito ay ang munting tulang alay ko

Nawa ay tanggapin ninyo itong munting regalo ko

Na aking isinulat at galing sa puso ko.

11-06-14