Kalungkutang dala ng iyong nakaraan
Lipas na kaya't dapat kalimutan
Pighati't sakit ng iyong kahapon
Tuluyan mo na sanang itapon
Luha sa iyong mga mata'y punasan
'Pagkat oras na upang iwan ang nakaraan
Pagpapatawad at paglimot iyo nang simulan
'Pagkat di na mababago ang panahong nagdaan
Alaala ng lumipas ay iyo nang talikuran
At harapin ang iyong kinabukasan
Puso mo'y muling buksan
Upang kaligayahan dito ay manahan
Ang buhay ay sadyang kay ikli
Huwag ikulong ang sarili sa pagkakamali
Iwanan ang madilim na kahapon
Upang maging maligaya sa habang panahon
10-18-12
Walang komento:
Mag-post ng isang Komento