Kwento ng Pagkakaibigan

Mula sa isang ngiti

Hanggang sa matamis na pagbati

Dalawang batang magkaiba

Nagkakilala’t nagkasama

Pagkakaibiga’y nabuo

Tumatag at lumago

Masayang pagsasama

Bumuo ng magandang alaala

Ngunit tadhana’y mapaglaro

Dal’wang magkaibiga’y pinaglayo

Pagita’y magkabilang mundo

Pagkikita’y sadya nang Malabo

Ngunit magkalayo man sa isa’t isa

Mga puso’y di mawawalan ng pag-asa

Na minsa’y muling magkakasama

Magkikita’t makakapiling ang isa’t isa

Pagka’t ang pinagsamahan

Di basta basta makakalimutan

Pangako’y pinahahalagahan

Pagkakaibiga’y di kayang talikuran

Pangakong pagkakaibigan

Di basta basta mahahadlangan

Pagka’t ang pinagsamahan

Subok na’t di kayang wakasan

PS: Ang dalawang magkaibigan sa tula. :)

02-19-13